අයිෆල් කුළුණ ( Eiffel Tower )

ප්‍රංශයේ පැරිස් නුවර Champ de Mars හි පිහිටා ඇති අයිෆල් කුළුණ, 1889 දී ප්‍රංශ ජාතික ඉංජිනේරුවෙකු වූ Gustave Eiffel (ඔහුට අයත් ඉදිකිරීම් සමාගම) විසින් නිර්මාණය කරන ලද්දකි. ප්‍රංශ විප්ලවයේ සියවන වර්ෂය සැමරීම සඳහා 1889 දී ප්‍රංශය "World's Fair " නම් ප්‍රදර්ශනයක් සංවිධානය කිරිනි. මෙහි  ඇතුල් වීමේ දොරටුව ලෙස නොයෙකුත් නිර්මාණ සැලසුම් රාශියක් ඉදිරිපත් කර තිබූ අතර මේවා අතරින් අයිෆල් කුළුණ තෝරා ගන්නා ලදි

මෙහි දල සැකසුම නිර්මාණය කරන ලද්දේ එවකට Gustave Eiffel ට අයත් ව තිබූ සමාගමේ සිටි ඉංජිනේරුවන් දෙදෙනෙකු වූ Maurice Koechlin හා Emile Nouguier ය. පළමුව මෙය නිර්මාණය කිරීමේ දී එවකට සමාජයෙන් බොහෝ විරෝධයක් මතු විය. මෙතරම් උස කුළුණක් ඉදිකිරීම කල නොහැක්කක් ලෙස ඔවුන් සැලකීය.

පාදම සැකසීමේ කටයුතු 1887 ජනවාරි 28 දින ඇරඹුන අතර ජූනි 30 දින නිම කෙරුනි. මින් අනතුරුව යකඩ පාද 4 ඉදිකිරීමෙ කටයුතු ඇරඹුනි. 1888 මාර්තු වන විට මෙම පාද සතර ලී තට්ටුව මගින් එකට යාකර පලමු තට්ටුව නිම කරන ලදි. 1888 මැයි 15 දින දෙවන අදියර ඇරඹි අතර 1888 අගෝස්තු 21 දින නිමවන ලදි. අවසාන අදියර 1888 දෙසැම්බර් 26 ඇරඹි අතර 1889 මාර්තු 15 දින අවසන් කරන ලදි. කුළුනේ තුන්වන මහලේ Gustave Eiffel මහතාට වාසය කිරිමට කාමරයක් ද නිර්මාණය කර තිබුනි. 



ලෝහමය  කුළුණක් වන අයිෆල් කුළුණ මීටර 300.51ක් ( අඩි 985.11)  උස වන අතර එහි සවිකර ඇති රූපවාහිනී ඇන්ටෙනාව සමග සම්පූරණ උස මීටර 324ක් (අඩි 1,063) පමණ වේ. 1930 දී ඇමරිකාවේ නිව්යෝක් හි Chrysler Building ඉදිකරන තෙක් එනම් වසර 41ක් පුරාවට ලෝකයේ උසම ගොඩනැගිල්ල ලෙස අයිෆල් කුළුණ පැවතුනි.

කුළුණේ පලමු සහ දෙවන තට්ටුවලට ගමන් කිරීමට පඩි පේලි සකසා තිබෙන අතර ඊට අමතරව තෙවන තට්ටුවට ගමන් කිරීමට විදුලි සෝපාන සකසා ඇත.

පලමු තට්ටුව පොලොවේ සිට මීටර 57.63 ( අඩි 189 ) ක් පමණ උසින් පිහිටා ඇත. මෙහි පොලොවේ සමහර  කොටස්  පහල පෙනෙන සේ ( transparent ) ඝන වීදුරුවෙන් තනා ඇත. මෙහි සිහිවටන මිලදී ගැනීමට වෙළඳ සැල් ද, "Paris Eiffel Tower" නමින් විශේෂිත මුද්දර සහිත තැපැල් හලක් මෙන්ම " 58 Tour Eiffel " නම් වූ අවන්හලක් ද පවතී. තවත් කෙටි ආහාර මිලදී ගැනීමට අවන්හලක්ද, කුළුණේ නිර්මාණය සිදුකෙරුන ආකාරය ආදී එහි ඉතිහාසය දැක්වෙන විවිධ තොරතුරු අඩංගු මූලාශ්‍ර අධ්‍යනයට පහසුකම්ද සකසා ඇත. 


58 Tour Eiffel Restaurant
දෙවන තට්ටුව පොලොවේ සිට මීටර 115.73 ( අඩි 379 , අඟල් 8 ) උසකින් පිහිටා ඇත. මෙහිද සිහිවටන මිලදී ගැනීමට හැකි වෙළඳ සැල් 3ක්, කෙටි ආහාර ගැනීමට ආපනශාලාවක් මෙන්ම "Jules Verne" නමින් තවත් සුපිරි ආපන ශාලාවක් ද පවතී.

තෙවන සහ අවසාන තට්ටුව පොලොවේ සිට මීටර 276.13  ( අඩි 905 , අඟල් 11) උසින් පිහිටා ඇති අතර මෙහි අවට නැරඹීමට හැකිවන් ලෙස විවෘත කලාපයක්ද පවතී. ඊට අමතරව Gustave Eiffel ගේ කාර්යාලය පිහිටි කාමරයද, ෂැම්පේන් අවන්හලක් ද ඇත. (Champagne Bar)

පලමුව අයිෆල් කුළුණ සැලසුම් කරන විට වසර 20කට පසු එනම් 1909 දී එය ගලවා ඉවත් කිරීමට නියමිතව තිබුනි. එහෙත් ක්‍රමක්‍රමයෙන් මෙය සංචාරක ආකර්ශණය දිනා ගැනීමත් සමග ප්‍රංශයේ ජාතික සංකේතයක් බවට පත් විය.  අද වන විට 500 කට අධික සේවක පිරිසක් දිනපතා කුළුණේ සේවය සඳහා යොදවා ඇත.

2 comments: